25‏/04‏/2013

ماسك لتبيض وتنقية البشره رائع جدا ..



السلام عليكم ورحمة الله تعالى وبركاته 
جاييبه ليكم معايا هاد المره ماسك لتبيض وتنقية البشره  اسبوعين  متبعاه وفعلا رائع جدا عجبني بزااف لدرجه مسخيتش نوقفو تنعملو لمده 3 ايام متتاليه فالاسبوع والنتيجه مع اول استعمال و مع المداومه لقيت نتيجه احسن .
عملتو للوجه والعنق و حتى لمنطقة الصدر ...
بيضلي وجهي و رطوبو ليا وحتى العنق كذالك .
منطولش عليكم ....
المكونات 
الخرطال مدقوق - طين ابيض - عسل حر - زيت اللوز المر - ياغورت طبيعي بدون سكر - ماء ورد .



ماسك لتبيض وتنقية البشره رائع جدا ..


* نعبرو بملعقة صغيره ... 2 معالق ديال ياغورت مسوس - 2 معالق خرطال - نصف ملعقه طين ابيض - ملعقة عسل - ملعقة زيت اللوز المر .



ماسك الخرطال

نخلطو كلشي و نديرو القناع فمنطقة الوجه والعنق و الى بغيتو حتى الصدر واليدين و نخليوه حتى ينشف ونزولوه بحركات دائريه منضغطوش بزاف لان الخرطال حرش شويه يقدر يجرح لينا البشره .


جمال السقلي

 حاولو تسترخو و متحركوش وجهكم حيت هوا تيجبد الوجه.
اتمنى يعجبكم وتجربوه لانه رائع فعلا .






هناك تعليق واحد: