وصفة طبيعية لترطيب و تفتيح الشفايف الداكنة ..

 من وصفاتي المفضله لترطيب و تفتيح لون الشفايف جد فعالة ان شاء الله ..

الطريقة1 ملعقة صغيره عسل
1 ملعقه صغيره زيت جنين القمح
3 ملعقة صغيرة من عصير الحامض
تمزج جميعا و تستخدم لدهان يوميا لشفتين .

pommade : ديما عندي ومتيخطاونيش ..

مرحبا بيكم "
هاذو مجموعة ديال البوماد ديما عندي و تيعجبوني بزاف حيث فعلا رائعين و تينفعوني بزاف .

leucodinine  
هاذ البوماد رائعة جدا هي بوماد التببيض و تفتيح الاماكن الداكن و شخصيا ستعملتها للمناطق الحساسه و كانت النتائج مرضيه جدا و من وقتها اصبحت تنستعملها ديما لمدة 3 شهور متتاليه و نحبسها مع ان النتيجه تتبدأ تبان من اول 2 اسبابيع الاولى ولكن لكي تحصلي على النتيجه المرغوبه لازم تكملي 3 شهور . ثمنو 15 درهم


eryacne 4 :
- احسن بوماد لقيت للحبوب اللي تظهر مع الدوره غير نصيحه تحطو منو على الحبه مباشره لاني كنت تنتهاون و لاحظت من بعد نشفلي المنطقه اللي كانو فيها الحبوب يعني حاولو تحطوه فوق الحبه فقط وهو فعال للحبوب . ثمنو 60 درهم تقريبا .


fucidine
هاذ الكريم حتى هو تيعجبني بزاف وقتما سالا معايا تنجري نعاون نشريه تينفع فحالة الاتهاب و فالحقيقه هو نقدني بزاف فحالة الالتهابات والاحمرار فالوجه كانت صابتني بسبب تطبيق احد الوصفات الطبيعيه  الفاشله والحمد لله اول ما عملتو على وجهي مشى التهاب فنصف ساعه ورجعلي وجهي كيف ما كان ولهذا انا تنبغيه بزاف لانه فعلا تينقدك من هاذ المواقف اللي يمكن يتعرض فيها الوجه للخطر بسبب تطبيقك لاحد المنتجات او الوصفات اللي متوافقكش و تسبب ليك التهابات و احمرار فالوجه .

cicatrivite
كريم لاثار الجرح و الحريق والنذبات هذا تينفعني كثيرا فحالة الجروح و الحرق انتوما عرفين حنا الفتيات متعرضين للجرح و الحرق اما وحنا تنحضرو اكله فالمطبخ او الجروح لهذا من المهم ان يكون كريم تيعالج هاد المشاكل اللي يمكن تجيك بشكل مفاجئ ولكن للاسف ملي تنوقعوا فيها تنلقاو راسنا معندناش اي كريم فالدار وتنمشيو لبعض الاشياء مثل معجون الاسنان مثلا ههه ولكن هاذ الاشياء هي مهدنة فقط من الاحسن يكون ديما كريم فجنبنا باش دغيا نحلو بيه المشكل و هكذا منوقعوش فأثار جانبيه . ثمنو 48 درهم فالصيدليات.

mitosyl

- هاذ البوماد رائع و تينفع بزاف وانا تنستعملو بعد لاسير فالمنطقه الحساسه لانه متيخليش دوك الحبوب اللي تتجي زيادة عن ذالك فهو غني بزيت كبد الحوت و انتوما عرفين فوائد هاد الزيت الكثييره و تيساعد كذالك فالتفتيح . وثمنو رخيص 18 درهم فالصيدلية .


خلاصة .. الاهم عند استعمال البوماد اننا نحترمو طريقة الاستعمال احترام تام لان بزاف تالبنات تليقاو نتيجه معاكسه بسبب التعامل الخاطئ وعدم احترامهم لطريقة الاستعمال و جهلهم في التعامل مع هاذ النوع من المنتجات اللي تتكون منتجات علاجيه
فالدرجة الاولى .
يعني خاصنا قبل ما نستعملوها نسولو الصيدلية على الطريقه او اننا نقراو الورقه اللي تتكون مع المنتج ..
و طبعا النظافه قبل منستعملو هاد المنتجات ضروريه جدا خاصنا ننظفو المكان جيدا ..

روتين عنايتي ببشرتي || skin routine ||

" بسم الله الرحمن الرحيم "

هذا روتين عنايتي ببشرتي اليومي 
نوع البشره .. عادية مائله لذهنيه 

روتيني اليومي ماشي كثير بسيط جدا ولكن لقيت معاه راحتي وناويه نزيد بعض المنتجات مستقبلا 
 حاليا بشرتي متتعنيش من اي مشاكل والحمد لله في ما عاد بعض الحبوب اللي تتجي بسبب التغيرات الهرمونيه وتتمشي

 اولا    

عنايتي ليوم عادي في البيت 
قبل ما نبدء تنغسل يدي مزيان خاسها تكون مغسوله وتنعقمها بمعقم اليد ..
النهار زيت حبة البركه + غاسول الوجه من  Garnier pure active  لوشن pure calmille  وكريم  .olaz

التطبيق : -  تنعمل زيت حبة البركه فيدي وندهن بيها وجهي تناخد كميه كبيره منها ونهدن الوجه والعنق مزيان خاصهم يكونوا مدهنين مزيان واخا انا بشرتي مائله لذهنيه متنخافش من الزيوت بالعكس تيوافق ليا البشره .
بعد ما دهنت وجهي مزيان تنشلو بماء دافئ و نعمل غاسول Garnier pure active ونغسلو و نمسح جيدا ..
وندهن اللوشن pure calmille  منطقة الوجه والعنق و نستنى شويه حتى ينشف وعاد ندهن الوجه والعنق بالكريم المرطب والمعالج olaz ..

عنايتي ايام العمل 
ايام العمل طبعا تنبدء بالحليب مزيل المكياج nivea او Garnier وتنزول المكياج هو الاول بواسطة القطن .
نعمل mousse en eau demaquillante من yves roucher لانها تترغوي مزيان وتزول اللي مزولوش الحليب من المكياج .
بعدها نعمل زيت حبة البركه نفس الطريقه اللي فسرتها فالاول التغير تيكون فقط فالغاسول اللي تنفضل نغيرو بالقوماجGarnier pure active  و جهاز التقشير الى حسيت ببشرتي تحتاجه حتى ينقي لي المسامات اكثر تنعمل pure calmille  تم كريم olaz و مرات اكتفي بزيت الزيتون او زيت السمسم او زيت اللوز المر .
لما تنتهي تنغسل يدي ونعاود نعقكهم ونعمل لهم فازلين .

وندقق فالمرايه نشوف الى كاينه شي حبه " فطور النمو :-)"  نعمل ليها eryacné 4 قبل ما تكبر .

الخلاصه 
حاولت نلخص ونتكلم فقط على الخطوات وان شاء الله نحط شرح للمنتجات في ما بعد .

"الى اللقاء"

shine attract + glimmerstick من AVON ..

" السلام عليكم ورحمة الله تعالى وبركاته "

 الموضوع اليوما على منتجين من افون .
منتجات افون بنسبه لي تنحبها بزاف و تنشوف بانها منتجات جيده وثمنها مناسب وتخفيضاتهم فالكاتالوج مغريه وكل شهر تنقى فيهم منتج جديد زوين وتينال على اعجابي .

من ضمنهم هاذ المنتجين اللي حبيت نتكلم عليهم فهاذ الموضوع   -shine attract -  glimmerstick  ... 

  نبدء بـ  shine attract أحمر شفاه محاط بجل ملمع و مرطب

رئيي فيه عجبني بزاف وهو اللي تيعجبني نحطو ديما لانه تيعطي لمسه طبيعيه قلوز و احمر شفاه فنفس الوقت 
واللي عجبني فيه اكثر هو الترطيب . مرطب بشكل جيد .
شريتو باللون الوردي الغامق

بنسبه لـ  glimmerstick
كحل العين بتاثير اللؤلؤ

منتج رائع جدا وعجبني التاثير اللؤلئي و اللي عجبني اكثر انه ممكن تستعمليه عدة استعمالات ..
كحل للعين او ايلاينر او فوق العين مثل  farapopier
انا شريتو باللون الازرق الغامق .

Garnier pure active || لتخلص من مشاكل البشرة الذهنية .

السلام عليكم ورحمة الله تعالى وبركاته

اليوم حبيت نتكلم ليكم على تجربتي مع غاسول Garnier pure active لتنقية المسام فالاول مكنتش متحمسه ليه لاني عندي فكره سيئه على منتجات Garnier جربت بعض المنتجات ولكن معجبونيش وخديت عليها فكره سيئه .
وبعد ما سمعت على هاد التشكيله قلت خليني نجربها خصوصا ان التمن جد مناسب و منخفض .
شريت الغاسول اليومي و القوماج لتنققية المسام و منع الافرازات الذهنيه .
تقريبا كان تمنهم الاثنين ب 47 درهم << ثمن مناسب وقتها كان فيهم التخفيض :-)

" بعد الاستعمال كانت النتيجه رائعه و تتشعري بالتحسن ملحوظ تقريبا تخلصت من النقط السوداء المزعجه و الافرازات الذهنية
والمسامات الكبيره بشكل نهائي .
" فعلا مجموعه جد ممتازه منضنش اني مزال نستغنى عليها .
وتنصح اي فتاة تتعاني من المسامات الواسعه والافرازات الذهنيه و النقط السوداء تستعملها وانا اكيده بلي غتحصل على نتيجه جيده .

شامبو و كريم شامبو كلوران { تجربتي مع مشكل التساقط} les produits Klorane

" السلام عليكم ...
اليوم حابة نتكلم ليكم على شامبو و كريم كلوران  لحل مشكل تساقط الشعر اللي ديما تنعاني منو.
ولكن تنحاول كل مره نلقى ليه حلول اللي على الاقل تقلل من التساقط لانني وبكل صراحه ملقيتش الى الان اللي يخلصني من هاذ المشكل نهائيا و لكن كاين تحسن جزئي بعد ما استعمل شموان كلوران و الكريم فعلا نقص التساقط على قبل .

ولهذا اخترت باش نتكلم ليكم عليه فهاد الفقره ... شامبو كلوران هو شموان للعناية بالشعر و منع التساقط وتيزيد معدلات نمو الشعر << وفعلا لاحظت ان شعري طوال بفتره قصيره - هنا اللي حابين يطوال ليهم الشعر تنصحهم فيه .
تيعتمد هاذ الشامبو على خلاصة الاعشاب الطبيعيه و هاذ الشيئ اللي شجعني عليه اكثر لاني تنحب كل شيئ فيه اعشاب و غادي تحتارو من كثر اصناف الاعشاب الموجوده فهاد الشامبو لانها كثيييره ... الخزامه .. الحريقه او القريص .. البابونج ...الخ > مجموعه كبيرة من الاعشاب المفيده لعلاج مشاكل الشعر < وهذه صورة الشامبو و الكريم 

 شريتو من بارا تقريبا كلفوني الاثنين 180 درهم 
بنسبه لملاحظاتي عند الاستعمال..
* لقيت انه تينشف الشعر شويه ولكن بنسبه لي مزيان لان شعري ذهني 
*تتحسي بلمعان فالشعر لوقت طويل .
*اما مشكل تساقط الشعر انا حسيت بلي خف و لكن للاسف مزال التساقط موجود 
*وتنصح بيه اللي عندهم مشاكل في فروة الرأس كذالك .

صابونة زيت الزيتون >> تعالو نتكلم ليكم عليها ;)

" صابونة زيت الزيتون -  تعالو نتكلم ليكم عليها ;)

اليوم حابه اني نتكلم على صابونة زيت الزيتون بعد شهرين من الاستعمال و ونقوليكم النتائج اللي حصلت عليها استخدامي لصابونة زيت الزيتون .. المهم بديت استعملها و الصراحه استعملتها اول للجسم فقط مستعلتهاش للوجه نهائيا فالاول .
كأول استعمال خديت عليها فكرة مزيانه كانت فعلا مزيانه وحسيت بنتيجه مرضيه ومع المداومه شفت نتائج احسن .

 اولا ..

حسيت بيها رطباتلي ملمس الجلد و اصبح ناعم و رطب
نضاره فالبشره
تقرييبا مشات كل الحبوب فالظهر
صابونة زيت الزيتون فعلا رائعه وتنصحكم بيها و مزال ننزل ليكم خلطات باستعمال هاد الصابونه ولكن بعد ما نجربها .