15‏/12‏/2012

" مشتريات من اوريفلام " Optimals Clarifying Scrub+Giordani Gold Bronzing Pearls

"مرحبا بكم"
حبيت نعرض عليكم  2 منتجات من اوريفلام ونقوليكم ارائي فيهم .
اول منتج هو Giordani Gold Bronzing Pearls



Giordani Gold Bronzing Pearls


 

هذي ثاني مره نشريه لانه عجبني بزاف و خديتو مره اخرى

يعطيي لمعة خفيفه  و لون خفيف و طبيعي ويصبح الوجه مشرق
وكيف ما تتشوفو فالصوره فيه كويرات فألوان مختلفه وردي و برونزي و ووردي داكن و فاتح وبيج
هاذ المزيج من الالوان هو اللي تيعطي فالاخير لون برونزي طبيعي و مشرق و لامعه خفيفه مثل اللؤلؤ
تتجي كيف ما شفتو فالصوره مع الاسفنجه ولكن انا شخصيا متنبغيش نستعملها  من الاحسن نستعملو الفرشاة لانك تتحكمي فيها اكثر وخصوصا ان هاذ المنتج تنشوف انه يصلح لتحديد تقاسيم الوجه وهذا لا تنفع معه الاسفنجه
ملاحظه تانيه هو خاصك تنتبهي للعلبه لانها بسرعه تتكسر اول وحده تكسرات معايا من اول استعمال يعني ان المرايا انفصلت على مكانها
وخصوصا انها كويرات ممكن بسرعه تتلف ليك او تطيح فاي مكان ..
وشي تاني  استغربت من الكميه اللي كانت قلييييله مقارنه مع الاول  كانت اكثر ؟؟ حتى اني شكيت ان المندوبه اخدت منها شويه هههه << الله واعلم *-*

اوريفلام


المنتج التاني اللي فالحقيقه مرضياش عليه وهو هذا السكراب Optimals Clarifying Scrub
استعملتو ونشف لي بشرتي بزاااف مع ان بشرتي تعتبر ذهنيه قليلا ...
معجبنيش كان ناشف وفيه حبيبات خشنين بزاف و القوام ديالو غير متجانس .
ندمانه لاني شريتو .



13‏/12‏/2012

السانوج لجمال الوجه :

السانوج لجمال الوجه :


السانوج

وصفة رائعة و فعالة لجمال الوجه و النضاره .

* يعجن مسحوق الحبة السوداء او السانوج مطحون بزيت الزيتون ويدهن للوجه بذالك المعجون مع التعرض لائشعة الشمس قليلا .

للتخلص من حب الشباب وصفة جد فعالة باذن الله

للتخلص من حب الشباب وصفة جد فعالة باذن الله :


البشرة


وصفة جد فعالة بشهادة بنت قالت بلي تبعاتها و فعلا تحيد ليها حب الشباب كان فوجهها كثير و هي عطاتها ليها واحد الخبيره فالتجميل على حسب قولها .

10‏/12‏/2012

طريقة جد رائعه للاستفادة من الخلطات الخاصة بالجسم

 طريقة جد رائعه للاستفادة من الخلطات الخاصة بالجسم :


الطريقة هاذي تنعملها للاستفادة من خلطات الجسم و هي طريقة رائعه تتمكنك من الاستفاده من خلطات التبيض قبل الحمام او خلطات السيلوليت و التشققات .


بدلة الساونا


09‏/12‏/2012

اكياس شاي البابونج للتخلص من الهالات السوداء

اكياس شاي البابونج للتخلص من الهالات السوداء :

الهالات السوداء
طريقة جد فعاله للتخلص من الهالات السوداء بشرط المداومة .
غادي تحتاجو اكياس شاي البابونج ليبتون راه متوفرة فالاسواق الكبرى .

نصائح لانجاح صباغة الشعر طبيعيا :

نصائح لانجاح صباغة الشعر طبيعيا :


صباغة الشعر طبيعيا



هاذ بعض النصائح والتنبيهات باش تنجح ليكم صباغة الشعر طبيعيا لان بزاف متتنجحش ليهم .


- قبل ما تبداو تصبغو لازم يكون شعركم نظيف ومغسول قبل الصباغة  ومفيهش اي ماده دهنية.

- لازم قبل الصباغة يكون الشعر ممشوط مزيان ومفروق على زوج جيهات .

- لازم الحناء ديما تعجنوها وتخليوها ترتاح ساعتين قبل الصباغة . 

- توضعوا الحناء على الشعر و هي مازالا سخونه متكونشي بارده .

- تكون الحنا ممزوجه مزيان مع المكونات اللي فيها و القوام ديالها ممزوج ومتجانس و متكونش محببه او متكتله .

- بعد الصباغه تلبسي البونيه البلاستيكي لمدة 2 ساعات و من بعد تشيليه و تخلي الشعر يتهوى و ينشف بوحدو .

- ممنوع تصبغو فوق صباغة كيماوية او تخلطو الكماوية مع الطبيعية لان غادي تهلكو زعبة الشعر لازم اولا تكون الصباغة الكيماويه تزولات من شعركم كلها عاد تصبغو بالطبيعية .

وصفة لصبغ الشعر باللون البني الغامق طبيعيا ناجحه

وصفة لصبغ الشعر باللون البني الغامق طبيعيا ناجحه 100/100 :




صباغة شعر طبيعيا



هاذي صباغة شعر طبيعيا باللون البني الغامق ناجحه و تيخرج اللون زوين .
اولا باش تنجح ليكم الصباغة لازم تتبعوا هاد الخطوات وبتدقيق .


المكونات :

الحنا الخاصه بالشعر + قشور الرمان يابسين + قشور الباذنجان يابسين .

الطريقة :

نشدو الحناء مقدار زلافه متوسطه و نعجنوها بالماء دافئ مايل لسخونيه و نخليو القوام ديالها ماشي جاري بزاف يكون بين وبين و نخليوها ترتاح  ساعتين  قبل ما نستعملوها
بعد ساعتين نشدو قشور الرمان مدقوقين بحال بودر و كذالك قشور الباذنجان مدقوقين مقدار 3 معالق كبار لكل واحد ونخلطوهم ونحطوهم فكاسروله ونديرهم فحمام مريم باش يسخنو شوية مع التحريك
غير نحسو بالخليط بدأ يسخن   نشدوه و نبداو نديرهم لشعرنا وهكاك حرارتو دافئة نحطوه على شعرنا خصله بخصله .
وهزي شعرك للفوق بحيث يكون بحال الى غادي نديري شفنجه .
غطي شعرك بالبونية لمدة ساعتين  بعد ما تكوني عمرتيه كاملو بالخليط .
بعد ما تكمل ساعتين زولي البونيه و خليه يتهوى حتى تنشف الحنا فشعرك مزيان
واخيرا غسلي شعرك وتمتعي باللون الرائع البني الغامق  .

وصفتى لتبييض الاظافروالنتيجة فورية

وصفتى لتبييض الاظافروالنتيجة فورية :

لتبيض الاظافر


هاذي وصفة رائعه لتبيض الاظافر والنتيجة فورية ان شاء الله .


وصفة رائعة جدا لتطويل الرموش

وصفة رائعة جدا لتطويل الرموش :




داومي على هذه الوصفة لمدة 3 ايام قبل النوم وسترين بأذن الله رموشك طويلة وغزالة 

الوصفة :

2 معالق زيت اللوز الحلو + 1 ملعقة صغيره من العسل الحر .
نمزجوهم وخدي كمية صغيرة بواسطة فرشاة الماسكارا و ديريها للرموش .

08‏/12‏/2012

وصفات برنامج لالة مولاتي | جميع الوصفات

وصفات برنامج لالة مولاتي :


 برنامج لالة مولاتي

هذي بعض الوصفات المتفرقه  اللي عجباتني ومقيدها عندي من برنامج لالة مولاتي   .




"الهالات السوداء "
 اوراق النعناع مدقوقين 
وزيت اللوز المر 
ويوضع لمدة نص ساعة من بعد تدهن المنطقة بماء الورد

"الشعر"
مشكل التساقط و الطول
كاس الحنه + 2 م زيت الزيتون او زيت الثومه + خزامه مطحونه +1م ريحان مطحون
3 ساعات فالشعر


"لرجلين واليدين والتشققات الجلديه فالبطن"
زيت اللوز + زيت الزيتون + زبدة الكاريتي + شمع النحل
ندوبو شمع والكاريتيه فحمام مريم و مخلطهم كاملين .


"تشقق القدمين "
شمعه بيضه ندوبها فحمام مريم + 3 معالق فازلين و نحيدهم ونضيفو ليهم زيت اركان وزيت اللوز


"تبيض العنق و الوجه"
نيله الصحراويه
فول مطحون
روز مطحون
معلقة من كل حاجه ونجمعو كلشي ب
ماء الورد

"ماسك للوجه"

قشور خياره
دقيق شعير
الفول
الحمص
الورد البلدي
مطحونين وكلهم نصف معلقه
مع ملعقه الحليب غبره
ونجمعوه بماء الورد ونديروه نهار لا وانهار ايه

"للبهق"
معلقه
الفوه مطحونه
2 معالق
خل التفاح طبيعي



وصفة رائعة من اسراري لجمال البشرة و نضاؤتها :

وصفة رائعة من اسراري لجمال البشرة و نضاؤتها :




وصفة رائعه و هي من اسراري ومن تجربة شخصية ولها نتائج رائعة والله على ما اقول شهيد و سهلة في التحضير والمكونات .

YOUTUBE : وصفة تبيض الاسنان رائعة و مجربة و نتائجها 100/100 .

YOUTUBE : وصفة تبيض الاسنان رائعة و مجربة و نتائجها 100/100 .



وصفة شفتها فاليوتيوب و جربتها وكانت التنيجه هائلة .

فيديو الوصفة من اليوتيوب :

http://www.youtube.com/watch?v=w_34P295Mnw

المقادير:

4 الفريزات + بيكربونات الصودا 

التحضير :

نمعكو مزيان الفريز و نزيدو عليه ملعقة صغيرة صودا و نشدو الخليط نعملوه على شكل معجون الاسنان و نحكو به الاسنان 
هاد الوصفة مجربها وتتبان النتيجه من اول استعمال غير للاسف مبقيتش تنديرها بسبب الفريز متنلقاهش ديما موجود .


07‏/12‏/2012

نصائح مهمة للبشرة مني ليك :

نصائح مهمة للبشرة مني ليك :

العناية بالبشرة



العناية بالبشرة و نضارتها تتبدء من الداخل قبل الخارج . خاصنا نهتموا حتى بطريقة الاكل السليمة باش تحافظوا على بشرة زوينة طيلة الحياة . 
واجسمنا تتحتاج تخرج السموم اللي بداخلها على الاقل 3 ايام فالشهر نعملو ديتوكس لاخراج هذه السموم وهو نظام غذائي لمدة 3 ايام تاكلي فيه غير المشروبات اللي غنية بالخضروات الخضراء يعني اللي لونها اخضر .

شرب خل التفاح فكاس ديال الماء كل صباح او الشاي الاخضر او الحامض منقوع فماء دافئ هاذو مزيانين وتيطردو السموم و يتعطيو للبشرة والجلد النضاره .

خلطة لتبيض والترطيب رائعة و مجربة :

خلطة لتبيض والترطيب رائعة و مجربة :




هاد الخلطة جد رائعه و مجربة مني و ديما تننعملها ونتائجها رائعين بزاف 

المكونات:

كريم جليسوليد الاحمر + زيت اللوز المر + عصير حامضة + فيتامين c الفوار 

الطريقة :

تخلطو الجيلوسريد الاحمر مع زيت اللوز المر و نذوبو 2 اقراص من فيتامين c الفوار فعصير العامض نخلطو العصير مع الجلوسريد و زيت اللوز المر حتى يوليو بحال الكريم و نعملوهم فايناء و حتفظو بالكريم فالثلاجه  

الخلطه هادي مبيضه للاماكن الداكنه في الجسم متستعملوهاش لبشرة الوجه 
للجسم فقط لا غير والرجلين و القدمين تتخليهم بيضين بياض الثلج .

وصفة رائعه لازالة البطن و انقاص الوزن و مجربة

وصفة رائعه لازالة البطن و انقاص الوزن و مجربة :




الوصفة رائعه كنت سمعتها فبرنامج لاله مولاتي و جربتها ودبا شهر باش متبعها النتائج ديالها راائعة فعلا وخصوصا منطقة البطن نزلات بشكل ملحووظ والحمد لله بغيتكم حتى انتوما تجربوها و تستفدو منها ان شاء الله .

وصفة رائعة ومجربة لتبيض وتصفية البشرة من الشهدة :

وصفة رائعة ومجربة لتبيض وتصفية البشرة من الشهدة :




هاذي وصفة سمعتها من عند صديقة الله يجزيها الف خير و فعلا ملي جربتها مشاء الله تبارك الله لقيت نتيجة رائعه فوق ما كنت تنتصور و دابا ولات متتخطانيش وديما تنديرها غادي تلاحظو الفروق من اول مره و كل مره تديروها تتحصلو على نتائج مذهله .

الوصفه تخلي شعرك تيلمع و رطب و منظروا صحي و زوين .



الوصفه هاذي تتخلي شعرك تيلمع و ررطب و منظروا صحي و زوين وتيعطيه الفوليم :





المكونــات:




ultra doux ديال البابونج
وهذا البنات lبغيتوش يخطاكم راه نعيا نشكر فيه منوفيهش حقو واخا تكوني تديري اي شمبوان اخر خلي هذا aprés shampoing ديالك.                     
 + معلقة كبيره د العسل ميهمش يكون حر غير يكون نوع زوين + عصير حامضه 3 معالق كبار + اي نوع ديال السيروم د الشعر عندك انا تنستعمل هذا   




الطــريقه :

تتشدي 1 الى 2 معالق ديال العسل و انتي وشعرك الى كان طويل بزاف و كثير ديري حتى 3 معالق
نفس الكميه ديال العسل لشمبوان يعني الى درتي 2 معالق كبار دالعسل ديري 2 معالق من الترا دو
شوية دالسيروم تقريبا معلقة واحده
عصري الحامضه و خودي منها 3 معالق ديال العصير

وخلطي كلشي و ديريه لشعرك وخلفيك فشعرك 8 الساعات باش يعطي المفعول ديالوا مزيان انا تنبات فيه ديري البلاستيكا لشعرك وخليه فشعرك .

ونقطه اخرى مهم قبل ما ديري الماسك غسلي شعرك و نشفيه مزيان وعاد حطي الماسك حيت الشعر الى كان مسخ متيستفدش من الماسك .
تنتمنى تديروه ويفيدكم .






06‏/12‏/2012

وصفه سحرية وجد سهلة لنعومة القدمين والتخلص من التشققات


وصفه سحرية وجد سهلة لنعومة القدمين والتخلص من التشققات :



هاذ الوصفه غزالة ومجربه مني انا شخصيا وساهلة فنفس الوقت و تحتاج منك فقط لشيئ واحد اللي هو >> الصودا << 

وان شاء الله عندي وصفات كثيره فيهم الصودا مخصهاش تخطاكم من البيت لانها مفيد.

الوصفة :

- تاخدي ماء دافئ و تعملي فيه 2 معالق كبار من الصودا و تحطي رجيلاتك في الماء و خليهم 20 دقيقه و كملي البيديكير ديالك 

غادي تلاخظي باللي الجلد الميت بسرعه تيتزول لان الصودا تترطبو مزيان .

جربوها وردوا عليا الاخبار .